Overview Level of Folio 67 r


SizeHeight 290 mm, width 208 mm.
CommentsWritten by Arrighetti with a correction by Galileo; contains text, drawings. Copied from folio 143v. Relation to the Discorsi: draft of 2/18-pr-05.
Folio 67 r (final text)
1ADato quolibet spacio in perpendiculo a principio lationis signato, quod in dato tempore conficiatur, datoque quocunque tempore minori, aliud aequale spacium, priori accepto in eodem perpendiculo reperire, quod in dato tempore conficiatur.
1BSit perpendiculum ab, in quo detur spacium ab, cuius tempus ex principio a sit ab, sitque horizon cbe, et detur tempus ipso ab minus, quod sit bc: oportet in eodem perpendiculo spacium eidem ab aequale invenire, quod tempore bc conficiatur. Iungatur linea ac, cunque bc minor sit ba, erit angulus bac minor angulo bca; constituatur ipsi aequalis cae, et linea ae horizonti in e signo occurrat, ad quam perpendicularis ponatur ed, secans perpendiculum in d, et linea df ipsi ba secetur aequalis: dico, ipsam fd ex a confici in tempore bc. Cum enim in triangulo rectangulo aed ab angulo recto e perpendicularis ducta sit ad ad, erit ae media inter da, ab, et be media inter db, ba, hoc est inter fa, ab, est enim fa aequalis db, cunque ab positum sit esse tempus per ab, erit ae tempus per totam ad, et eb tempus per af; cunque ae sit aequalis ipsi ec, ob aequalitatem angulorum eac eca, relinquitur ut bc tempus sit ipsius fd: quod erat ostendendum.
212


Overview Level of Folio 67 r