 | Size | Height 283 mm, width 205 mm. | | Watermark | Eagle encircled with crown outside. Drake's identification: Watermark type 20. Drake's description: Speadeagle in 40mm circle, crown above. Watermark found in 1611-34. | | Comments | Written by Guiducci; contains text, drawing. Copied from folio 142r. Relation to the Discorsi: draft of 2/35-pr-14. |
|
| | | Folio 51 r (final text) | | 1A | Data inflexa ad datum perpendiculum, partem in inflexa accipere, in qua sola fiat motus eodem tempore atque in eadem cum perpendiculo. | | 1B | Sit perpendiculus ab, et ad ipsum inflexa bc. Oportet in bc partem accipere, in qua sola fiat motus eodem tempore ac in eadem cum perpendiculo ab. | | 1C | Ducatur horizon ad, cui inclinata cb extensa occurrat in e, ponaturque bf aequalis ba, et, centro e, intervallo ef, circulus describatur fig, et fe ad circumferentiam usque protahatur in g, et ut gb ad bf, ita fiat bh ad hf, et hi circulum tangat in i. Deinde, ex b perpendicularis ad fc erigatur bk, cui occurrat in l linea eil. Tandem ipsi el perpendicularis ducatur lm, occurrens bc in m. Dico, in linea bm ex b fieri motum eodem tempore ac ex a per ambas ab, bm. | | 1D | Ponatur en aequalis el. Cumque ut gb ad bf, ita sit bh ad hf, erit, permutando, ut gb ad bh, ita bf ad fh, et, dividendo, gh ad hb, ut bh ad hf; quare rectangulum ghf quadrato hb erit aequale: sed idem rectangulum aequatur quoque quadrato hi: ergo bh ipsi hi est aequalis. Cumque in quadrilatero ilbh latera hb, hi sint aequalia, et anguli b, i recti, erit latus quoque bl ipsi li aequale: est autem ei aequalis ef: ergo tota le, seu ne, duabus lb, ef est aequalis. Auferatur communis ef: ergo reliqua fn ipsi lb erit aequalis. At posita est fb ipsi ba aequalis: ergo lb duabus ab, bn aequatur. Rursus, si intelligatur tempus per ab esse ipsam ab, erit tempus per eb ipsi eb aequale. Tempus autem per totam em erit en, media scilicet inter me, eb, quare reliquae bm tempus casus post eb, seu post ab, erit ipsa bn. Positum autem est, tempus per ab esse ab: ergo tempus casus per ambas abm est abn. Cum autem tempus per eb ex quiete in e sit eb, tempus per bm ex quiete in b erit media proportionalis inter be, bm; haec autem est bl; tempus igitur per ambas abm ex quiete in a est abn: tempus vero per bm solam ex quiete in b est bl; ostensum autem est bl esse aequalem duabus ab, bn; ergo patet propositum. |
|
